Friday, August 19, 2011

Aku kan mulih

Posted by Norazo at 11:58 PM
Oleh sabab lampau rindu kan mulih, entry ani aku tulis dlm bahasa beliauku bwahaha.. Beliau beliau luann.. Klu ndaku silap adaku bepadah yg aku ani keturunan brunei dan kedayan kan. So skrg ani aku akan tulis dlm dua2 dialek tu lah. Kepisan ni karang kawan2 semenanjungku mun bisdia membaca. Pecayaku nada bisdia paham ni kali ah. Mun beliau mama menelipun aku bisdia tedangar pun heran durang ani tah lagi kan membaca. Bah habis pasal atu. Tujuanku menulis ani kan bepadah hantap kan mulihku banar2.

Batah sudahku x mulih ke Labuan. Lastku mulih bulan 3 time sepupuku kawin. Apa tah usul labuan skg ani?? X jua kali jauh ubahnya pakah tp lain jua nyamu tmpt diri ani. Buruk2nya lakat jua atu yang dikanang. Mun becerita pasal raya ani, aku paling suka malam raya. Time atu semuanya org nada kan tidur. Sibuk bepanyap. TemSuk tahh familyku. Ada sekali atu malam raya baru tah ku ngambil baju rayaku arah rumah ngangah ba. Lapas atu mun malam raya kami suka meround-round kampung dangan. Sababnya ada pertandingan becucul. Ehhhhh siuknyaa malam becucul. Rumah kami nda belaman jadi x tah dapat becucul kesian. Masang lampung marak2 nganya kami. Nda jua hntp marak la. Satu kaler nganya liau laki bali. Tp xpa tah baik jua dr nada kan.

Malam raya jua semua tah orang tidur akhir. Aku pm sma. Mendangani mama bepanyap. Tpnya aku x hntp bepanyap banar. D rumah atu meliat tv nganyaku. Smpi kna hariku bruku begarak. Tp raya tahun ani spesel sbb abgku n the family mulih sblm rYa. Selalunya durang mulih raya pertama. Ani sehari sebalum raya. Hantappppp x sabarkuu

Tpnya raya kali ani ada cbrn dikitlah. Sbbnya lapas raya ani kami ada pembentangan skim kami ani. Aniiiii tah yg ku malas ni ahh. Ingau banarnya. Satu alumku tau lg apakan kubuat. Dua ingau ingau ingau. Nada siuk beraya mun ingau ani ah adehhhhh.... Terseksa hempeduku

Bah smpi sni dulu. Ngalihku menaip dr aipong ani. Besuk mun aku ada idea ada ku menyambung lagi ah. Bye bye

1 comments:

Min Min on August 25, 2011 at 9:51 AM said...

NASIB BAIK KU PAHAM JALAN CERITA..HAHAHA

 

Something for Nothing~~ Copyright © 2012 Design by Antonia Sundrani Vinte e poucos